Saturday, November 19, 2011

कशी तुज समजावू सांग

कशी तुज समजावू सांग
का भामिनी उगीच राग

हास्याहुनि मधु रुसवा
हेमन्ती उष्ण हवा
सन्ध्येचा सा.ज नवा
हा का प्रणयानुराग

चाफेकळी केवि फुले
ओष्ठकमल जेवि उले
भोवती मधुगंध फळे
का प्रसन्नवदन राग

वृत्तीचा होम अमुप
त्यात जाळु दे विकल्प
होउनिया निर्विकल्प
अक्षय करु यज्ञयाग

ओठांचे फेड बंध
गाइ गडे मुक्तछंद
श्वासांचे करू प्रबंध
हृदयांचे मधुप्रयाग

काव्य: बा. भ. बोरकर 

No comments:

Post a Comment